突然發神經

今日上網，無意中點中一個美國大學在綫課程嘅廣告。我并無好似其他廣告咁即刻刪咗距，而係慢慢咁睇，仲自己亂咁填咗個美國地址，為咗用電子郵箱收取一D免費試讀課程。

之後仲Google咗一下D有在綫課程嘅美國大學。

好似翻到去以前咁。

讀初中嘅時候，屋企賣咗第一部電腦，之後開始上網。果個時候，大家都去聊天室傾計，而我唔知係咩地方知道咗ICQ呢樣嘢。一朵彩色嘅花，開始咗我無數嘅崇洋夢。係ICQ度識咗個大我好多嘅日本人，大家都用超級半桶水嘅英文傾計，用翻譯軟件一個單詞一個單詞咁翻譯。永遠只用超簡單嘅句子去表達。

初中畢業果個夏天，我開始沉迷于用MSN傾計。識咗一個美國人，果個時候，我同距都中意AVRIL LAVIGNE。翻譯軟件都進化到可以成句成句咁翻譯，不過距成日話我好似機器人咁。呵呵。果時距喺美國加州。果個夏天之後，我都無上MSN了，同距都只係通過幾封簡單嘅E-MAIL。

上咗大專之後，再次上MSN。距竟然仲記得我，反而我無曬印象，我同距講咗好多，關於當時嘅心情，高中發生嘅事，距無讚我英文好咗（距以前成日讚我）。距話距去咗歐洲，之後可能會來中國。距話距最近學緊中文。距話我變咗好多，變得悲觀咗好多。之後，再過咗一段時間。距突然話想取消同我係MSN上面好友嘅關係。我無問點解。同意咗。之後，我哋大家都刪除咗大家。

唔知從幾時開始，已經唔再想出去讀書。

初中嘅時候，英文就好差，不過無所謂，我依然中意聽英文歌，我總係可以同外教交流，有時，其他人都未明白外教講咩嘅時候，我已將明白了。果個時候我中意背歌詞，不過聽寫就唔合格。有次，有個男生問我“嘜你聽得明嘅乜？”我真係好傷心，我知你英文好，我知你係英語科代，但係并唔代表你聽唔明嘅英文專輯，我就一定聽唔明！

高中嘅時候，身邊嘅人開始會問我，頭先個外教講咩，頭先老師將咩（我哋有一段時間係全英教學，英語課，不過英語語法堂除外）

不過，英文測驗、考試依然唔合格。聽寫唔出貓就一定會被老師抓住來背單詞。

可能係因為咁嘅原因，漸漸放低咗出國讀書嘅念頭。

林到四級又唔過，心裏面真係覺得很悲哀。

“沒關係，繼續努力，沒關係”

也只能這樣對自己說了。